روياتي

مدونة روياتي

رواية خادمة في عصر اللذة للكاتبة هاجر عبد الحليم الفصل الأول

رواية خادمة في عصر اللذة للكاتبة هاجر عبد الحليم الفصل الأول

احلام: بت ياورد..انتى يابت ..قومى العمال ع وصول
ورد بنعاس:عايزة ايه بس ياماما خرجتينى من حلم جميل هكمله واقوم …من عينى ياست الكل يلة تصبحى ع خير
احلام:شوف البت..بقولك العمال ع وصول علشان يهدوا الحيطة هيخشوا عليكى وانتى نايمة يعنى يصح كدة
ورد:لا طبعا يخشوا ايه هو انا فتحها سبيل خلاص انا هقوم اهو
احلام:ماشى بس بسرعة متتاخريش والبسى الاسدال بتاعك علشان تعرفى تتحركى براحتك.

ورد:حاضر
ف الصالة
احلام:فين ابوكى ياسحر
سحر ببرود:معرفش
احلام:بت بطلى تناكتك دى.وردى عليا
سحر:ف القهوة تحت مع صاحب الشقة
احلام:ليه؟! هو احنا مش خلاص اتفقنا معاه ع هد الحيطة ..بيتكلموا ف ايه؟!
سحر:مش عارفة ياماما منا قاعدة معاكى اهو
احلام:ماشى ياام لسانين
سحر:عن اذنك
احلام:رايحة فين؟!
سحر:داخلة الاوضة
احلام:طيب خشى
احلام ف سرها:ربنا يهديكى يابنتى
بعد حوالى نص ساعة
طق طق

احلام:كنت بتعمل ايه مع صاحب الشقة ف القهوة ياخليل
خليل:عايزة ايه ياست حشرية انتى؟! كنت بتفق معاه ع شغل..ارتحتى
احلام:شغل ليه؟! منت بتشتغل
خليل زقها وقال:طب اوعى خلينى اخش
خليل بعلو صوت:بت ياورد
ورد خرجت من الاوضة وقالت:ايوة يابا
خليل:خشى المطبخ اعملى شاى للعمال اللى جايين هما خلاص ع وصول
ورد:حاضر يابابا
ودخلت المطبخ
سحر خرجت من الاوضة
سحر:حبيب هارتى
خليل:هههههههه ازيك ياحبيتى

سحر:بخير يابوب..بقولك ايه كنت عاوزة فلوس؟!
خليل:مش هرفض بس ع الاقل اعرف عايزة الفلوس ليه؟!
سحر:هنزل اجيب شوية هدوم من شارع الجامع
احلام:ابقى خدى ورد معاكى بدل متروحى لوحدك
سحر:اوف بقا ياماما انتى عارفة مش بحب اروح مع البنى ادمة دى ف حتة
سحر:بت عيب.. البنى ادمة اللى بتتكلمى عنها دى اختك مينفعش تتكلمى عنها كدة
سحر:اختى اللى بتتكلمى عنها دى بتبقى مبسوطة لما بتشوفنى زعلانة عمرها م بتكون سبب لفرحتى بالعكس دى بتبقى سبب لتعاستى وهمى..دى بتخطف منى رزقى
احلام بعصبية:اخرسى يابت لتسمعك انتى عارفة اختك ممكن تشيل منك
سحر:اوف بقا.. ها يابا هاخد الفلوس ولا لا؟!
خليل:لا هتاخديها ياحبيتى هو انا بعرف اقول للعسل دة لا ع حاجة ابدا احلام افتحى الدولاب وطلعى منه..عايزة كام ياحبيت ابوكى؟!

سحر:امممممم.. 1000 جنيه حلو
احلام:يانصيبتى 1000 جنيه ليه دة الواحد بيجيب الفلوس من لحم الحى جاية انتى وتصرفيها ع التفاهة اللى زيك حلو 500 جنيه
سحر: اوكى نو بروبليم
احلام:الله يرحم جدك ياختى
شوية والعمال جوم فضلوا يكسروا الحيطة والبيت بيهتز بس هزة خفيفة بس اهل البيت عملوا حوار
واحدة من الجيران:انتوا يابشر البيت هيقع علينا الله يهدها عليكوا
احلام:شوف الست اللى مركبة مبرد ف لسانها دى انا هخرج علشان اعرفها مقامها
ورد:لا ياماما خليكى انا هروح وبالمرة اطلع اقعد مع بسمة شوية قبل متروح الشغل
خليل:لا مفيش طلوع خليكى قاعدة هنا يمكن نحتاجك.

ورد:يابابا انا زهقت وصدعت من الصوت انا هقعد معاه نص ساعة ولو احتجت حاجة ندينى وانا هنزل ع طول
خليل بعصبية:انتى مش بتفهمى ولا غبية منا قولتلك لا..صحيح منتى بنت امك
ورد كانت هتعيط بسبب ان ابوها زعق فيها قصاد العمال
احلام:خلاص ياحاج خليها تطلع يعنى هتروح فين يعنى دة الباب ف الباب اطلعى ياورد بس هى نص ساعة بالكتير
ورد:حاضر ياماما
طلعت ورد من ااشقة وقابلت الست اللى كانت بتزعق
ورد:صباحو فل ع جمالك ياست حنان
حنان:هو اللى عنده جيران زيكوا يصطبح ع فل
ورد:الله يسامحك مش هرد عليكى
حنان:لا يابت ردى خلينا نشوف تربية احلام
ورد:بردو مش هرد عليكى علشان لو عملت كدة هقل منك وانتى ست كبيرة فحرام عليا..عن اذنك
وجريت بسرعة من قدامها
حنان: لا منا مش هسكت انا هنزلهم واللى يحصل يحصل.

ف شقة نسمة
طق طق
ورد:صباح الخير
نسمة:صباح الخير ياورد تعالى
ورد دخلت وقعدت ع الكنبة اللى ف الصالة
ورد:مالك؟!
نسمة:ابويا ياورد
ورد:لسة تعبان بردو
نسمة:والله م بنام ياورد بسبب كحته طول الليل
ورد:طب متقولى ل اخواته مش هما معاهم فلوس ويقدروا يساعدوا
نسمة بحسرة:كانوا ساعدوا من زمان ابويا تعبان بقالوا عشر سنين محدش فكر حتى يسال عليه ولو ب تليفون
عايشين ف نعيم وسابيبن ابويا مستنى الموت لوحده
ورد:ياحبيتى ربنا يقويكى عليه.

نسمة:مش بحب نظرات الشفقة ياورد انا بس بتكلم معاكى علشان صحبتى
ورد:طب انا عاوزة شاى ايه البخل اللى انتى فيه دة يابنتى فين واجب الضيافة؟!
نسمة:ههههههه حاضر من عنيا
دخلت نسمة المطبخ
وورد دخلت اوضة ابو نسمة
طق طق
احمد بتعب:تعالى يانسمة
ورد:لا انا مش نسمة انا ورد انفع ولا ايه؟!
احمد:جاتك ايه ياورد مش قادر اضحك يابنتى والله
ورد: لو جت فرصة تضحك استغلها ياعمى الواحد لو حسب الحلو والمر اللى ف الدنيا هيلاقى المر اكتر فلما ييجى الحلو واللحظات الحلوة الواحد لازم يستغلها
احمد:الموت هيجى خلاص ياورد انا حاسس بيه بس انا خايف اموت واسيب نسمة لوحدها هى ملهاش حد غيرى ولو موت هتبقى صيدة سهلة لكلاب السكك عايز اطمن عليها ياورد.

ورد:ان شاء الله تشوفها باافستان الابيض وتشوف عيالها كمان
احمد:ههههه اه.. لا الطمع وحش بس لو شوفت عريسها واتطمنت عليها انا مش عايز حاجة من الدنيا دى واموت وانا مستريح
ورد:ربنا يطمنك عليها ياحاج
شوية ونسمة جات
نسمة:انتى هنا وانا بدور عليكى؟!
ورد: كنت بتكلم مع عمى الصراحة الواحد ميزهقش من الكلام معاه ربنا يخلهولك
نسمة:تسلميلى ياحبيتى
شوية وسمعوا خليل بينادى ع ورد بصوت عالى
ورد:يالهوى ابويا بينادى انا همشى.. يلة سلام
نسمة:سلام ياورد ابقى كلمينى
ورد:من عنيا حاضر
قدام بيت ورد
ورد:عايزنى اعمل ايه؟!

خليل:ف ايه يابت هو انا بقولك اتجوزى عرفى؟! انا بقولك انزلى نضفى الشقة لواحد تحت ف الدور التانى وهتاخدى مصلحة كويس هو كدة كدة رايح الشغل بس هو هيقولك هتعملى ايه ف الشقة قبل ميمشى
ورد:حاضر يابويا
خليل:اتفضلى ياختى
نزلت ورد وهى مكسوفة خبطت ع الباب هو فتحلها بس هو كان عارى الصدر
ورد حطت وشها الناحية التانية وقالت:جرا ايه ياخينة انت..ميصحش كدة..قبل متفتح استر نفسك الاول
وليد:استر نفسى!
ورد:لو سمحت البس حاجة
وليد بسخرية:بتتكسفى اوى ع العموم طيب..ثوانى هخش البس حاجة ورجعلك تانى
ورد ف سرها:كدة اتطمنت ع شباب مصر.. رجالة اخر شهامة.

لبس ورجعلها تانى
وليد:اتفضلى
ورد:شكرا
ورد دخلت لقت الشقة مش مترتبة خالص والهدوم ف كل حتة وازايز بيرة وعلب سجاير
ورد:هو انت منهم؟!
وليد:افندم
ورد:مش قصدى اقصد هو انت مش منظم كدة ليه..وبعدين حرام متشربش بيرة.. الحاجات دى بتضيع العقل وانت شكلك مش ناقص ضياع
وليد: بت انتى احترمى نفسك بدل مندمك ع الكلام اللى بتقوليه دة
ورد:الحق عليا انى بفطمك
وليد:انتى غريبة اوى.. انتى بتكلمينى كدة ليه؟! شوفى شغلك من سكات..ادى مجايب الزفت خليل انا قولت عايز خدامة شغلها حلو مش لسانها طويل
ورد:خلاص يابيه هو انا مالى صحيح..قولى اعمل ايه وروح شوف حالك.

وليد:اتفضلى
ف بيت نسمة
ف اوضتها
ترن ترن
نسمة:الو
الصاوى:اهلا برمانة قلبى.. وحشانى اوى
نسمة:وحشك عزراءيل يابعيد..ارمى اللى ف بقك وخلصنى
الصاوى:رمانة انا صابر عليكى بمزاجى لكن للصبر حدود ياقلبى
نسمة:اعلى مفخيلك اركبوا
الصاوى:عايزك تيجى عن ميعادك ساعة
نسمة:نعم ياخويا..ليه ان شاء الله؟!
الصاوى:جاى ذبون مهم .. ودى تعتبر حالة انسانية.

نسمة:حالة ايه..شى الله ياانسانية..بقولك ياصاوى انا اخرى اهز هزتين واقعد مع الزباين ف الصالة لكن شغل الشقق دة مش بتاعى فاهم
الصاوى:منتى بتاخدك ع قلبك اد كدة حد كلمك ولا بصلك فيهم ايه اللى هيجرا يعنى لو عملتى اللى انا عاوزه..م كله بتمنه
نسمة: ع يدك انت بصرف الفلوس دى ع تعب ابويا ..مش بشترى حاجة لنفسى..سيبلى حاجة واحدة احتفظ بيها لنفسى واللى هياخدنى
الصاوى:مش المفروض بقا تخافى ع ابوكى..وبعدين مكانك ف الكباريه..وشغل الحلال دة مش بتاعك.

نسمة:اقغل ياصاوى بدل مقفل انا
الصاوى:هتيجى قبل ميعادك بساعة يارمانة ولو دة محصلش انتى عارفة الصاوى وايه اللى ممكن يعملوا يلة سلام
نسمة بعياط:يارب ارحمنى وتوب عليا من كل القرف دة يارب
ف العربية
وليد:ازيك ياهندسة
حسام:الحمد لله..فينك يبنى دة انا جيبلك صنف جديد لازم تجربة
وليد:مش مطمن
حسام:عيب عليك دة انت عارف صاحبك
وليد:مهو النصيبة انى عارفك ياصاحبى
حسام:صنف حريم وصنف سجاير.. بس انما ايه اخر مزاج
وليد:دة انت عايش ف التوهان ربنا بتولاك
حسام:اومال انت ايه ياصاحبى؟!
وليد:هههههههههه نفس المصيية.. الله وكيلنا
حسام:ع فين كدة؟!

وليد:البت سالى ف الشقة وقلباها مناحة قال ايه عاوزة تتجوز رسمى بدل عرفى وعاملة اللى ميتعملش هروح وانهى الحوار دة..الواحد قضا يومين حلوين وخلاص
حسام:طيب مستنيك انهردة ف ديسكو……هنقضى سهرتنا فيه
وليد:اوك
ف شقة ما
سالى بصدمة:انت عملت ايه؟!
وليد:زى منتى شايفة ادى ورقة العرفى بح..اقدر اقولك دلوقتى باى
سالى:وكلامك وحبك ليا راحوا فين؟!
وليد:كان فى وخلص.شطبنا..روحى شوفى ذبون جديد يارخيصة
سالى:انا مش رخيصة ياوليد واكبر دليل ع كدة انى مخلتكش تقرب منى الا لما لما اتجوزنا
وليد:بس عرفى مش رسمى واظن عارفة الفرق كويس.

سالى: انا ممكن اوديك ورا الشمس.. انا متعرفش اهلى مين ولو عرفوا ممكن يعملوا فيك ايه
وليد:توء توء ياروحى فيكى انتى مش فيا وانا مالى انا.. كله بمزاجك ..انا لا مؤخذة يعنى مش ضربتك ع ايدك
ورمى ف وشها فلوس وقال:دة تمن متعتك ليا..عايز ارجع الاقى الشقة نضفت من نجاستك
سالى:ونجاستك ياو**
وليد:الله يسامحك مش ارد عليك علشان انا متربى يلة سلام
ومشى
سالى:حقير وسافل والله لندمك الحمد لله انى كنت باخد حبوب منع حمل والا كنت روحت فطيس
مسكت موبايلها ورنت ع
الو…..اهلا يادكتور…كنت عاوزة ف خدمة….لا هديك اللى انت عاوزه مش فارقة معايا كتير……….عايزة ارجع virgan تانى………..اوك يادكتور هاجى ف المعاد
بليل.

ف بيت نسمة
نسمة:بالهنا ع قلبك ياسيد الناس..ثوانى واجيبلك الكوز علشان تغسل ايدك فيها
راحت وجبتله الكوز هو قال:مش فاهم شغل ايه دة اللى بليل يابنتى
نسمة بتوتر:ها اصلوا يابابا صاحب المحل اللى شغالة فيه مزاجه كدة بيحب بيفتح محله بليل
احمد:بقولك ايه يابنتى هو لازم التحاليل دى بالشى الفيلانى يابنتى..هتجيبى منين كل دة؟!
نسمة:متشيلش هم ياحاج.. كله يهون قصاد دعواتك ليا ونفسك اللى ف البيت دة
احمد:يابنتى احنا اموات ولاد اموات محدش بيعمر فيها واللى يعرف الدنيا ع حقيتها يتف عليها وما حياه الدنيا الا متاع الغرور مفيش حاجة مستاهلة
نسمة بسرحان:عندك حق ياحاج مفيش حاجة مستاهلة.

يلة ياحاج ادى ياسيدى القران ونام بالله عليك ومتقلقش ورد معاها نسخة من المفتاح هتبقا تطل عليك كل شوية وانا مش هتاخر
احمد:ماشى يابنتى طريق السلام باذن الله.. ربنا يوقع ف طريقك ولاد الحلال ويبعد عنك ولاد الحرام
نسمة: باست ايده وقالت:ايوة ياحاج بالله عليك ادعيلى محتاجة دعواتك
ف شقة وليد
ورد رمت نفسها ع اقرب كنبة ومسكت راسها من التعب:ياباااااى كل يوم الواحدة ف الموال دة ايشى غسيل ع موعين ع مسح سلالم يارب توب عليا هو مش مكتوبلى انام ع حرير وانام مرتاحة ابدا لا حول ولاقوة الا بالله اهى الشقة نضفت وبقت اشطا ع الله يطمر
سمعت صوت حد بيقول:والله انت اللى اشطا ياجميل انت ياعسل.

برقت عينها وبصتله بصدمة وقامت وهى بتعدل هدومها وقالت:استاذ وليد هو انت ازاى دخلت..اقصد يعنى ازاى محستش بيك..وبعدين الواحد بيقول احم دستور مش بيخش بسرعة كدة
وليد:انا فتحت الباب عادى علشان متعود ع كدة وبعدين مش معقولة هتكونى لابسة لبس محرج يعنى وع فكرة صوتك كان عالى علشان كدة محسيتيش عليا وانا بفتح الباب
ورد:خلاص انا اللى اسفة ياسيدى مش انت
وليد:سيدك! انتى بتجيبى الكلام دة منين؟!

ورد:من بوقى يابيه
وليد:ههههههههه لا ياشيخة طيب استتى هنا ثوانى
ورد:حاضر
وليد دخل اوضته وخرج وايدة لورد الفلوس
ورد بصدمة:ايه دول يابيه..الفين جنيه بحالهم؟!
وليد:الفين جنيه مش حاجة ع فكرة بالنسبالى وبعدين انتى تعبنى اوى ف الشقة ولازم تاخدى حقك
ورد بفرحة:تشكر يابيه
وليد:العفو
ف شقة ورد
ورد بصريخ:اه يابابا سيب شعرى انا عملت ايه بس علشان دة كله ااااه ياماما خليه يسيبنى
خليل:تلاشينى يابت انتى احسلك وهاتى الفلوس
ورد:لا الفلوس دى من حقى لوحدك
خليل:كسر حوقك يابعيدة..بقولك هاتى الفلوس بدل م الطشك قلمين اوقعلك سنانك
احلام بتحاول تبعد خليل عن ورد
احلام:خلاص ياخليل ابعد عن البت هى هتديك الفلوس حاضر…بت ياوردة ادى ل ابوكى الفلوس
ورد بعياط:بس ياماما

احلام:هى كلمة مش هتنها تانى
ورد ايدت ل ابوها الفلوس وجريت ع اوضتها
خليل بطمع:حلو الشغل دة..ابقى خليها تنزلوا ع طول…يوم واحد ايداها 2000 جنيه طب لو قعدت شهر؟! دة احنا هنبقى اغنيا اوى
احلام:عايز الفلوس تعمل بيها ايه ياخليل؟!
خليل:هشيلها للزمن انتى مال اهلك انتى روحى شوفى حالك
احلام:براحة ع البت شوية ياخليل دى بنتك بردو
خليل بحدة:متقوليش بنتى بس
ف اوضة سحر و ورد
ورد:كفايا تليفون واتخمدى بقا
سحر:وانتى مالك انتى..هو انا قاعدة ع راسك
ورد:انتى بتعملى ايه؟!
سحر:انتى جاهلة مش هتفهمى اللى بعمله
ورد:حوش حوش الشهادات اللى بتقع منك يامتعلمة يامتنورة
سحر بعصبية:انتى بتعيرينى ياورد
ورد:لا تعيرنى ولا عيرك الهم طايلنى وطايلك.نامى بقا
سحر:نامت عليكى حيطة يابعيدة..اوف عليكى
سحر رمت المخدة ع راس ورد
ورد:يارخمة.

سحر:ههههههههه احسن
ورد:ع اساس انى مش هعرف اردلك الضربة انا يعنى..طب اهو
وعملت معاها نفس الحركة
سحر:اااااه دى جامدة دى
ورد:البادى اظلم
فضلوا كدة يناكشوا ف بعض لحد م ناموا
ف الكبارية
رمانة خلصت نمرتها ودخلت الاوضة علشان تغير
رمانة:بت يابطة هاتى الهدوم بتاعتى
بطة:حاضر ياأبلتى
واول م رمانة غيرت
بطة:هو الصاوى لسة مضايقك؟!
رمانة:قطع. ليه السيرة الزفت دى
بطة: معاكى حق ياابلتى ليه الواحد يعكنن ع نفسه خلينا كدة مفرفيش
رمانة:هاتى الكحل من الدرج
بطة:حاضر
طق طق
بطة:مين.

الصاوى:انا الصاوى
رمانة:افتحى يابطة واوعى تمشى خليكى معايا
بطة:حاضر ياابلتى
فتحت بطة والصاوى زقها وبص ع رمانة لقاها بصاله ببرود واحدة عالمة بقالها سنين
رمانة:نعمين
الصاوى:مش ههننزل نشوف شغلنا ولا ايه؟! مش بحب الدلع ف الشغل
رمانة:دلع! ههههههههه دة احنا ف مكان الدلع والمزاج ياصاوى بس متحبكهاش اوى كدة ادينى لبست ونازلة بقولك ايه كلمة ابرك من عشرة انا همسى ع الذباين كلها معنديش حد سبيشيال
الصاوى مسك دراعها وبيجرها وراه:ماشى كلامك يارمانة اتفضلى قدامى
رمانة بدلع:اى بس متزقش كدة نازلة اهو معاك.

ف الصالة
رمانة فضلت تتحرك بين الذبون دة للذبون التانى وهى مسكة ف ايدها السجاير والايد التانية ازازة بيرة تقعد مع واحد تلاقيه بدا يقرب منها تضحك وتبعد عنه
بعد كدة قربت منها واحدة بتشتغل معاها
لا ياحلوة انتى كدة هتطفشى مننا الذباين لو مش عارفة اعلمك
رمانة ضحكت ضحكة انثوية وقالت:ت ايه ياختى تعلمينى معلش اصلى نسيت الكشكول ياابلتى ههههههه

مشيت وشافت الصاوى ف وشها
نفخت ف صدرها كدليل ع الخضة وقالت:ياخويا خضتنى مش كدة ..انا قلبى صوفيف مش حملك
الصاوى:شوفى سكتك يارمانة..وتعالى علشان عايزك
رمانة زقته براحة وقالت:طب عدينى
ف الحمام
رمانة كانت بتعيط بحرقة ووجع بتستحقر نفسها واللى بتعمله قعدت كدة فترة بعد كدة مسحت دموعها بسرعة
جت تخرج بس خبطت ف صدر واحد

admin

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

العودة إلى الأعلى